Pierre-Louis Lions (1956. urteko abuztuak 11) matematikari frantsesa
da. 1979.urtean París VI – Pierre et Marie Curie Unibertsitatean
doktoradutza egin zuen Sur quelques classes d'équations aux
dérivees partielles non linéaires et leur résolution numérique
izenburupean eta Haïm Brèzis irakaslea izan zuen zuzendari.
Bere egungo ikerketa deribatu partzial ez-linealetako ekuazioen
teorian oinarritzen da. 1944.urtean Paris-Dauphine Unibertsitatean
burututako ikerketagatik Fields domina jaso zuen. Lions-ek Boltzmann
ekuazioari soluzio osoa aurkitu zuen lehena izan zen, zegokion
demostrazioarekin. Fields domina 1994.urtean Zurich-en ospatutako
ICM-n (International Congress of Mathematicians) jaso zuen.
Fields dominaz gain, jasotako sarien artean hurrengo hauek ere aurki daitezke: IBM saria (1987) eta Philip Morris saria (1991). Era berean, “British Mathematical Colloquium”-en 49.edizioan osoko hizlaria izateko ohorea izan zuen eta Edimburgo Heriot-Watt unibertsitateko eta Hong-Kong City unibertsitateko honoris causa doktoregoa jaso zuen.
Egun École de France eta École Polytechnique-n deribatu partzialen ekuazioen irakaslea da.
